ساتۋ ءۇش جەتكىزۋ ءبازيسى بويىنشا ءوتىپ جاتىر: FCA جەتكىزۋ شارتى بويىنشا تەكەسۋ ستانتسياسى, تەڭدىك ستانتسياسى جانە پاۆلودار-پورت ستانتسياسى.
قازمۇنايگازدىڭ «كاسپي» الاڭىنا شىعۋى – بۇل ءبىزدىڭ بيرجامىزدىڭ ارحيتەكتۋراسىنىڭ ەڭ اۋقىمدى جانە جۇيەلى جەتكىزۋشىلەرگە قىزمەت كورسەتۋگە دايىن ەكەندىگىنىڭ ايقىن بەلگىسى. ءبىز كەز كەلگەن كولەمدە ججم-دى ساتۋ ءۇشىن اشىق, باسەكەگە قابىلەتتى جانە تەحنولوگيالىق ورنىقتى جاعدايلاردى قامتاماسىز ەتۋگە دايىنبىز جانە قابىلەتتىمىز.
سوندىقتان بۇل وقيعا العا قادام باسۋ عانا ەمەس, قازاقستانداعى ۇيىمداستىرىلعان جانە جەتىلگەن وتىن نارىعىن ودان ءارى دامىتۋ ءۇشىن ماڭىزدى باعدار», – دەپ اتاپ ءوتتى «كاسپي» تاۋار بيرجاسى» اق پرەزيدەنتى مۇرات قاديسوۆ.
ۇلتتىق وپەراتوردىڭ قاتىسۋىمەن وتكىزىلەتىن ساۋدا قوسارلانعان قارسى اۋكتسيون فورماتىندا وتكىزىلەدى.
بۇعان دەيىن قازاقستان رەسپۋبليكاسى ساۋدا جانە ينتەگراتسيا ءمينيسترىنىڭ 2025 جىلعى 12 ناۋرىزداعى بۇيرىعىمەن كومىر, بيتۋم, اۆتوموبيل بەنزينى, رەاكتيۆتى قوزعالتقىشتارعا ارنالعان وتىن, ديزەل وتىنى جانە قانت كىرەتىن الەۋمەتتىك ماڭىزى بار بيرجالىق تاۋارلار تىزبەسى بەكىتىلگەن بولاتىن.
«قازمۇنايگاز» ۇك اق (قمگ) – 2002 جىلى قۇرىلعان قازاقستان رەسپۋبليكاسىنىڭ مۇناي-گاز سالاسىنداعى مۇددەلەرىن قورعايتىن كومپانيا. قازاقستاننىڭ مۇناي-گاز سالاسىنىڭ ۇلتتىق كوشباسشىسى. قمگ كومىرسۋتەكتەردى بارلاۋ مەن وندىرۋدەن باستاپ تاسىمالداۋ, قايتا وڭدەۋ جانە سەرۆيستىك قىزمەتتەر كورسەتۋگە دەيىنگى بارلىق وندىرىستىك تسيكل بويىنشا اكتيۆتەردى باسقارادى. الداعى 10 جىلدا قمگ ءوسىمى رەسۋرستىق بازانىڭ ءوسۋى, قازىرگى ءوندىرىستىڭ تيىمدىلىگى, قۇن تىزبەگىن ۇزارتۋ, زاماناۋي تەحنولوگيالاردى ەنگىزۋ جانە كومىرتەگى ءىزىن قىسقارتۋ ەسەبىنەن قامتاماسىز ەتىلەدى.
«كاسپي» تاۋار بيرجاسى» اق – مۇناي ونىمدەرىن, كومىردى جانە تسەمەنتتى قوسا العاندا, تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ەڭ جوعارى ESG-باعاسىنا يە. بۇۇ جاھاندىق شارتىنىڭ تولىققاندى قاتىسۋشىسى. سونداي-اق, «كاسپي» – KASE قازاقستان قور بيرجاسىنىڭ رەسمي ليستينگىنە ەنگىزىلگەن ەلدەگى جالعىز تاۋار بيرجاسى.
